JUUL KANPAINA: LIBURU BOZKATUENAK - D KATEGORIA

2019ko apirilaren 2an egin dugu Juul kanpainaren bozketa. Hauexek izan dira liburu hautatuenak D kategorian (LH 5. eta 6. maila).



ELKARTASUN AZOKA

Kaixo, datorren astelehenean, apirilak 1, goizeko 10:30ean LH. 6. mailakook antolatu dugun Elkartasun azokari emango diogu irekiera.
Azoka honetan, guk egindako eskumuturrekoak, eskulanak, gure kuttunak izan diren objetuak eta gosari osasuntsua egiteko produktuak jarriko ditugu salgai.
Ekimen honen bidez lortzen den dirua egoera ahulean bizi diren pertsonei laguntzen dien Elkarte bati emango zaio, gure kasuan, Paris 365 Elkarteari.
Gonbidatuta zaudete guztiak gure azokan parte hartzea eta bidenabar zuen laguntza ematea.
" Zuk ere lagun dezakezu egoera urrian daudenei laguntzen"


DANTZA PROIEKTUA

LH 6. mailako ikasleok Dantzaz konpainiako kideekin "Growing young" ikuskizuna prestatzen egon gara aste honetan, ordu bat egunean 4 egunez.
Proiektua hau "Oholtzara salto" programaren barruan burutu da. Bi helburu dituen programa da, alde batetik gazteak arte eszenikoetan murgiltzea, eta, bestetik ikuslegoari ikuskizuna eskaintzea. Otsailaren 23an, Iortian emanaldia eskaini dugu.
Dantza garaikidea, sentitu eta bizitzeko aukera bikaina izan dugu. Gozamena izan da!
Eskerrik asko Oreretako Dantzaz konpainiako dantzari profesionalei.
Zorionak parte hartzaile guztiei!!
Hementxe duzue Iortiako emanaldiaren bideoa. (Oharra: bideoaren kalitatea ez da oso ona mugikor bidez jasoa izan delako).





ASTE ZURIA 2019

Otsailaren 10etik 15era bitarte Izaban egon gara eskiatzen. Bikain pasa dugu eskiatzen, herri-kirol, igeriketa, ... eta beste aktibitate asko eginez. Eguraldi bikaina izan dugu aste osoan eta eskiatzen ibili garen pistetan nahiko elur zegoen. Egundoko esperientzia izan da!!!


BERTSO EMANALDIA

"Bertso emanaldia", Euskarako proiektu amaierako lana aurkeztu dute gaur LH 6Akoek familia eta lagunei. Hementxe dituzue ekitaldiaren argazki batzu. Bertsolari eta entzuleak oso pozik geratu dira emaldiarekin.

LH 6 Posters 2018

LH6: here you are a video about "My poster presentation". We hope you like it!

 

IKASPILOTA EKITALDIA

Urtero bezala, Sakanako ikastetxeen arteko pilota topaketa egin dugu Altsasuko Burunda pilotakuan. Bertan bildu gara LH 6. mailako Atakondoa, Iñigo Aritza eta Andra Mari Ikastolako ikasleok.




MENDUKILOko KOBAZULORA TXANGOA

Kaixo, Ingurunean, Lurraren aldaketa-faktoreak ezagutzen ari gara eta horien artean, haitzuloak landuko ditugu. Hauen sorrera eta ezaugarriak landu aurretik, Mendukiloko kobak bisitatu ditugu. Hementxe egin dugun txangoaren bideotxo bat.

AZOKA SOLIDARIOA

Andra Mari Ikastolako Lehen Hezkuntzako 6.mailako ikasleek EKI proiektua landu ondoren, hainbat gauza ikasi ditugu. Alde batetik, guztion ekarpenak gure bizitzak eta besteenak hobetu ditzakeela. Bestetik, beste egoera bat bizi duten pertsonen bizi-baldintzak hobetu daitezen, denon laguntza beharrezkoa dela. Eta, azkenik, bakoitzak bere aletxoa jarriz, arazoa hobetzen lagundu dezakegula.

Aipatutako guztia praktikoki lantzearren, azoka solidarioa antolatu genuen pasa den ekainaren 13an. Bertan, hainbat postu egon ziren: jostailuena, pultserena, edariena eta pintxoena, besteak beste.

Azokaren bidez lortutako etekina Paris 365 erakundera bideratu dugu.